The Old Guard (2020)

Филмска адаптација на истоимениот стрип на авторот Грег Рука (Lazarus, Wonder Woman) и илустраторот Леандро Фернадез (Deadpool, Punisher: MAX). Главниот лик е Енди (Шарлиз Терон), која поради некоја мистериозна причина со векови е заробена во бесмртен живот. Заедно со уште неколкумина бесмртни воини таа низ вековите изведува високоризични задачи за богати клиенти. Енди ќе почне да обучува нов бесмртен воин, Нили и заедно со неа и останатите од групата ќе се соочат со нова закана – богат бизнисмен кој дознал за нивното постоење и сака и самиот да добие вечен живот.
Тие исто така се соочуваат со еден нов предизвик на модерното време – да останат незабележани во 21 век во кој светот е опседнат со селфиња и насекаде има камери за надзор.

Актери: Шарлиз Терон, Чуетел Еџиофор, Хари Мелинг, Матијас Шунартс, Марван Кензари, Анамарија Маринка.