Green Lantern (2011)

Во вселената, која е толку голема колку што е и таинствена, со векови постои една мала но моќна сила. Тие се заштитници на мирот и правдата и се нарекуваат корпус на „Зелените фенери“. Тие се братство од воини кои се заколнати дека ќе го штитат поредокот во галаксиите. Секој „Зелен фенер“ носи прстен што му дава натприродни моќи. Но кога новиот непријател по име Паралакс (Кленси Браун) се заканува дека ќе ја уништи рамнотежата на моќта во вселената, нивната судбина, а и судбината на Земјата, лежат во рацете на најновиот регрут, првиот човек кој е избран во братството, Хал Џордан (Рајан Ренолдс). Хал е надарен и арогантен тест-пилот, но „Зелените фенери“ имаат малку почит за луѓето кои никогаш порано ги немаат користено бесконечните моќи на прстенот. Но очигледно е дека Хал е алкатата што недостига, па заедно со својата решителност и волја, тој има нешто што другите членови на корпусот го немаат. Тој има човечност. Со охрабрувањето од својот колега-пилот и неговата љубов од детството, Керол Ферис (Блејк Лајвли), Хал ќе може брзо да ги совлада новите моќи и да најде храброст да ги надвладее своите стравови и да докаже дека не само што е клучен за поразувањето на Паралакс туку и дека е најголемиот „Зелен фенер“ од сите.

Актери: Рајан Ренолдс, Блејк Лајвли, Питер Сарсгард, Марк Стронг, Тим Робинс, Анџела Басет, Џефри Раш, Мајкл Кларк Данкан, Кленси Браун, Шарон Конли, Џеј О. Сандерс, Мајк Дојл, Гриф Фрст, Ричи Монтгомери.