The Hunger Games: Catching Fire (2013)

Наспроти сите напори и желби на Капитол да ја видат мртва, Кетнис (Џенифер Лоренс) е победник на 74-тите Игри на Гладните, заедно со Пита (Џош Хачерсон), момчето од нејзиниот реон во кое сите веруваат дека таа е лудо заљубена. Иако по победата таа има сè што би можела да посака, куќа во специјален дел од реонот за победниците на Игрите повеќе од доволно храна за нејзиното семејство и популарност во целата држава, по посетата од самиот претседател на Панем, Кетнис не може да ужива во сето тоа. На таканаречената “Победничка турнеја“ таа мора да ги убеди жителите на сите реони дека навистина е лудо вљубена во Пита, не оставајќи воопшто простор за сомнеж за да нема катастрофални последици. Но Капитол сеуште ја одржува својата строга контрола, додека Претседателот Сноу (Доналд Садерланд) ги подготвува новите, 75ти „Игри на Гладните“, натпревар кој би можел да го промени Панем засекогаш. Кетнис сфаќа дека нејзиниот потег во Игрите за да го спаси Пита и самата себе си од сигурна смрт доведува до подигнување на востание во одредени реони. „Раѓањето на огнот“ претставува мост што ја носи приказната од нејзиниот проблематичен почеток до насилен и драматичен крај.

Актери: Џенифер Лоренс, Џош Хачерсон, Лијам Хемсворт, Аманда Пламер, Меган Хејс, Лин Коен, Џил Џејн Клементс, Даниел Бернхард, Сандра Елис Лаферти, Вуди Харелсон, Пола Малкомсон, Вилоу Шилдс, Доналд Садерланд, Елизабет Бенкс, Стенли Тучи, Филип Сејмур Хофман, Вилбур Фицџералд, Патрик Ст. Есприт, Лени Кравиц, Алан Ричсон, Мета Голдинг, Џефри Рајт, Сем Клафлин, Тоби Џонс, Џена Малон, Џад Лорманд.