Django Unchained (2012)

Филмот „Џанго разузданиот“ се одвива на американскиот југ, две години пред Граѓанската војна и во него играат Џејми Фокс во улогата на Џанго, роб чие брутално минато со неговите поранешни сопственици го води до средба со д-р Кинг Шулц (Кристоф Волц), ловец на уценети глави, роден во Германија. Шулц ги бара браќата Бритл кои се убијци, а само Џанго може да го одведе до неговиот плен. Неконвенционалниот Шулц го придобива Џанго со ветување дека ќе го ослободи по фаќањето на браќата Бритл, мртви или живи. Успехот прави Шулц да го ослободи Џанго, иако двајцата мажи одлучуваат да не се разделат. Наместо тоа, Шулц ги гони најбараните криминалци на југот заедно со Џанго. Совладувајќи ги виталните вештини на ловците на уценети глави, Џанго останува фокусиран на една цел, да ја најде и спаси Брумхилда ( Кери Вашингтон), жената која пред многу години ја има изгубено во трговијата со робови. Потрагата на Џанго и Шулц на крајот ги води до Калвин Кенди (Леонардо ди Каприо), сопственикот на злогласната плантажа „Кендиленд“. Истражувајќи ја плантажата, откако лажно се претставуваат, Џанго и Шулц предизвикуваат сомневање кај Стивен (Семјуел Л. Џексон), верниот роб на Кенди. Нивните потези се следат и почнува да ги гони една опасна организација. Ако Џанго и Шулц сакаат да избегаат со Брумхилда, тие мораат да изберат помеѓу независноста и солидарноста, помеѓу жртвувањето и преживувањето...
Актери:Џејми Фокс, Кристоф Валц, Леонардо ди Каприо, Семјуел Л. Џексон, Кери Вашингтон, Валтон Гогинс, Маркус Хендерсон, Лора Кајет, Кристофер Бери, Дон Џонсон, Џон Мекконел, Мајкл Паркс, М.К. Гејни, Брус Дерн, Мајкл Боуен, Дане Родос, Ато Есанд, Амбер Тамблин, Денис Кристофер, Џејмс Ремар, Џејмс Русо, Џона Хил, Зое Бел, Квентин Тарантино, Евен Парк, Џ.Д. Евермор, Ричи Монтгомери, Нед Белами.